"எந்த மதம் என்பது முக்கியமல்ல!": மனிதநேய சேவையில் தமுமுக

தஞ்சாவூர் மாவட்டம் பண்ணவயல் பகுதியைச் சேர்ந்தவர் 62 வயது கருணாநிதி. இவர் கொரோனாவால் பாதிக்கப்பட்டு ஒருவாரம் காலமாக தனியார் மருத்துவமனை ஒன்றில் சிகிச்சை பெற்று வந்தார். இந்நிலையில், மூச்சு திணறல் அதிகரித்து கடந்த வெள்ளியன்று சிகிச்சை பலனின்றி அவர் காலமானார்.

கொரோனாவால் இறந்த கருணாநிதி, தஞ்சாவூர் மாவட்ட பாஜகவின் மாவட்டத் தலைவரான பண்ணவயல் இளங்கோவின் உறவினர் என்று உறுதிப்படுத்தப்படாத தகவல்கள் தெரிவிக்கின்றன.

இறந்தவரின் உடலை உறவினர்கள் பெற்றுக்கொள்ள முன்வரவில்லை. மருத்துவமனையின் மூலமாக இதை கேள்விப்பட்ட தமிழ்நாடு முஸ்லீம் முன்னேற்ற கழகத்தின் (தமுமுக) இலவச அவசர ஊர்தி சேவை பிரிவினர் உடன் களத்தில் இறங்கினர். கருணாநிதியின் உடல் தமுமுகவினரால்  எடுத்துச் செல்லப்பட்டு இடுகாட்டில் நல்லடக்கம் செய்யப்பட்டது .

“இறந்தவரின் உடலை பெற அவருடைய உறவினர் யாரும் முன்வரவில்லை. இது கொரோனா சம்பந்தமான பயத்தின் காரணமாக இருக்கலாம். ஆனால் எங்களுக்கு இதில் எந்தவிதமான தயக்கமும் அச்சமும் இல்லை. இறந்தவரின் உடலுக்கு உரிய மரியாதை தரவேண்டும் என்பதற்காக அரசின் வழிகாட்டுதல்படி உடலை நல்லடக்கம் செய்தோம்,'' என்கிறார் தமுமுகவின் மாநில செயலாளர் ஐ.பாதுஷா.

''இறந்தவர் எந்த மதம் என்பது எங்களுக்கு முக்கியமில்லை. இறந்தவரின் உடலை நல்லடக்கம் செய்யவேண்டும் என்பதை ஒரு சேவையாக தமுமுக தமிழகம் முழுவதும் செய்துவருகிறது” –என்கிறார் பாதுஷா அடக்கத்துடன்.

(படம்: தமுமுக-தஞ்சை)

Read More

முக்கிய செய்திகள் - வாசிப்பது மிஸ்டர் பாமரன்: 'மாணவர் கைது நடவடிக்கைக்கு எதிராய் மனித உரிமை ஆணையத்திடம் புகார்'

குடியரசுத் தலைவர் பிரணாப் முகர்ஜி கடந்த 20 தேதி சென்னை வருகைத் தந்தார். அவருக்கு எதிராய் போராட்டம் நடத்த திட்டமிட்டிருப்பதாகச் சொல்லி, கல்லூரி மாணவர்கள் ஜோதி லிங்கம், ரமேஷ், மோகன சந்திரன், லாமன்,  மற்றும் தமிழ் இனியன் ஆகியோர் காவல்துறையினரால் கைது செய்யப்பட்டனர். அவர்களின் போராட்டத்துக்கு ஆதரவு தெரிவித்திருந்த இயக்குனர் கவுதமனும் சூளைமேட்டிலுள்ள அவரது வீட்டிலிருந்து நள்ளிரவில் கைது செய்யப்பட்டார். பின்னர் இவர்கள் அனைவரும் விடுதலைச் செய்யப்பட்டனர்.

இது சம்பந்தமாக அடையாறில் உள்ள மாநில மனித உரிமை ஆணையத்தில் இயக்குனர் கவுதமன் புகார் கொடுத்துள்ளார். அதில் அவர் தெரிவித்திருப்பதாவது: 

நள்ளிரவில் போலீஸார் அத்துமீறி கைது செய்ததுடன், அவர்களிடம் அநாகரிகமாக நடந்து கொண்டனர். இதற்கு காரணமான காவல் உதவி ஆணையர் ஞானசேகரன், ஆய்வாளர் ஶ்ரீகாந்த் ஆகியோர் மீதும் இவர்களுக்கு உத்திரவிட்ட காவல ஆணையர் ஜார்ஜ் மீதும் நடவடிக்கை எடுக்க வேண்டும்!" - என்று கூறியுள்ளார்.

குடியரசு தலைவர் வருகையைக் கண்டித்து போராட்டம் நடத்தலாமா என்று மாணவர்கள் கூடி ஆலோசனை நடத்தியிருக்கிறார்கள். அந்த கூட்டத்தின் முடிவில் போராட்டம் வேண்டாம் என்று முடிவெடுக்கப்பட்டது. ஆனால், கூட்டம் நடத்தியதை அறிந்து காவல்துறையினர் கைது செய்துவிட்டனர்.

அதிகாலை 2 மணியளவில், மாணவர்களின் வீட்டுக்குச் சென்ற போலீஸார் அவர்களின் சட்டையைப் பிடித்து இழுத்தும் காரணம் கேட்ட வீட்டு உறுப்பினர்களை அநாகரிகமாக திட்டுயும் உள்ளனர்.  

கைது செய்யப்பட்டவர்களை ஒரு லாட்ஜில் அடைத்து வைத்திருந்த நிலையில், தகவல் பத்திரிகைகளுக்கு கசிந்ததும் அங்கிருந்து வேறொரு இடத்துக்கு அப்புறப்படுத்தியுள்ளனர். 

அந்த நடவடிக்கையின் போது சூளைமேட்டைச் சேர்ந்த தமிழ் இனியனை ஆய்வாளர் ஶ்ரீகாந்த் அடித்ததாக சொல்லப்படுகிறது. இதற்கான ஆதாரங்கள் உள்ள நிலையில் இந்த புகார் அளிக்கப்பட்டுள்ளது குறிப்பிடத்தக்கது. 

அதேபோல, மனித உரிமை ஆணையத்துக்கு புகார் சென்றுள்ளதால் சம்பந்தப்பட்ட காவல்துறை அதிகாரிகள் விசாரணைக்கு உட்படுத்தப்படலாம் என்றும் கூறப்படுகிறது.

Read More

முக்கிய செய்திகள்: வாசிப்பது மிஸ்டர் பாமரன் - சர்ச்சைக்குரிய திரைக்கதையும், தஸ்லிமாவும்'

ஆகாஷ் ஆத் வங்க மொழி தொலைக்காட்சி சானல். இதில், சர்ச்சைக்குரிய எழுத்தாளர் தஸ்லிமா நஸ் ரீன் எழுதிய திரைக்கதையின் அடிப்படையில் ஒரு தொடர் வியாழன் அன்று ஒளிப்பரப்பாக இருந்தது. இந்நிலையில் தங்கள் உணர்வுகள் பாதிக்கப்படுவதாக முஸ்லிம் சமயத்தாரிடையே எழுந்த எதிர்ப்பையொட்டி இந்த தொடர் நிறுத்தப்படுவதாக அதன் தயாரிப்பாளர் தெரிவித்தார். சட்டம் ஒழுங்கு பிரச்னைகளை காரணம் காட்டி காவல்துறையும் அத்தொடரை நிறுத்தும்படி அறிவுறுத்தியது.

Dusahobas என்னும் அத்தொடரின் தயாரிப்பாளர் முகநூலில், 'ஆகாஷ் ஆத் தொலைக்காட்சி, ஒளிப்பரப்ப தயாராக இருந்தும், சில தவிர்க்க முடியாத காரணங்களால் நாங்கள் அத்தொடரை நிறுத்த நிர்பந்திக்கப்பட்டுள்ளோம். நேயர்கள் தங்களுக்கு நேர்ந்த சங்கடங்களை பொறுத்துக் கொள்ளும்படி கேட்டுக் கொள்கிறோம். இது சம்பந்தமான விவரங்களை தொடர்ந்து முகநூலில் பதிவேற்றம் செய்கிறோம்!" - என்று தெரிவித்துள்ளார்.

பெண்ணுரிமைகள் குறித்தும், பெண்ணாதிக்கம் குறித்தும் பேசும் இத்தொடர் நிறுத்தப்பட்டது குறித்தும் தில்லியில் இருக்கும் தஸ்லீமா நஸ் ரீனுக்கும் தெரிவிக்கப்பட்டுள்ளது. இந்நிலையில் அவர் டுவிட்டரில், "முஸ்லிம் பழமைவாதிகளின் எதிர்ப்பைத் தொடர்ந்து எனது மெகா சீரியல் தடை செய்யப்பட்டது சௌதியில் வசிக்கும் உணர்வையே எனக்கு தருகிறது!" - என்று கூறியுள்ளார்.

தஸ்லீமாவின் 'Dusahobas' தொடருக்கு 22 முஸ்லிம்  அமைப்புகள் கடும் எதிர்ப்பை தெரிவித்துள்ளன. கொல்கத்தா திப்பு சுல்தான் மசூதியின் தலைமை இமாம், மௌலானா நூருற் றஹ்மான் பர்கத்தி ஆகியோர் இதில் அடங்குவர்.

'மில்லத் இத்திஹாத் பரிஷத்' முஸ்லிம் அமைப்புகள் கூட்டமைப்பாகும். இது கொல்கத்தாவிலிருந்து செயல்படுகிறது. இந்த அமைப்பின் பிரதிநிதிகள் 'Dusahobas' தொடரின் தயாரிப்பாளரான அசோக் சுரானா மற்றும் அவரது மகள் இஸ்ஹிதா சுரான ஆகியோரை நேரிடையாக சந்தித்து சர்ச்சைக்குரிய தொடரை நிறுத்தும்படி கேட்டுக் கொண்டார்கள்.  பின்னர் செய்தியாளார்களை சந்தித்த அவர்கள், "தஸ்லிமா மலிவான விளம்பரத்துக்காக அத்தொடரை எழுதினார் என்றும், தொலைக்காட்சி நிறுவனமும் தனது  TRP (Television Rating Point) க்காக அதை ஒளிபரப்பியதாகவும்" - குற்றம் சாட்டினார்கள்.

'Dusahobas' என்பதற்கு 'தாங்க இயலாத பிணைப்பு' (unbearable cohabitation) என்பது பொருளாகும்.

( Source: Twocircles.net and http://indiatoday.intoday.in/)

ead more at: http://indiatoday.intoday.in/story/telecast-of-taslima-serial-stopped-after-muslims-groups-object/1/331909.html?source=homebhtc

 

ead more at: http://indiatoday.intoday.in/story/telecast-of-taslima-serial-stopped-after-muslims-groups-object/1/331909.html?source=homebhtc

Read More

முக்கிய செய்திகள்-வாசிப்பது மிஸ்டர் பாமரன்: 'அண்டை நாடுகள் சண்டையிட்டால் 200 கோடி பேர் கொல்லப்படுவார்கள்!'

திடுக்கிடும் தகவல் இது.

'அண்டை நாடுகளான இந்தியா - பாகிஸ்தான் இடையே அணு ஆயுதப் போர் மூளுமானால் சுமார் 200 கோடி பேர் கொல்லப்படுவார்கள்!'- என்று சர்வதேச மருத்துவர்களின் அணு ஆயுத போர் தடுப்பு கூட்டமைப்பின் (ஐ.பி.பி.என்) இணைத் தலைவர் ரா ஹெல்பன்ட் கூறியுள்ளார். இது சம்பந்தமாக அவர் அமெரிக்க தலைநகர் வாஷிங்டனில் வெளியிட்டுள்ள அறிக்கையில் இதை தெரிவித்துள்ளார். 

• உலக மக்கள் தொகையில் மூன்றில் ஒரு பங்கு மக்கள் அதாவது 200 கோடிக்கும் அதிகமான மக்கள் கொல்லலப்படுவார்கள்.
• தெற்காசியாவில் அணு குண்டு வெடித்தால், அமெரிக்காவின் வேளாண் உற்பத்தி 10 விழுக்காடு குறைந்துவிடும். 
• சீனாவின் கோதுமை உற்பத்தி 50 விழுக்காடு பாதிக்கப்பட்டு அந்நாட்டில் உணவு பஞ்சம் ஏற்படும்.
• அணு குண்டு கதிர்வீச்சால் 100 கோடி பேர் கொல்லப்பட்டால், அதற்கு பிறகு சுற்று வட்டாரங்களில் ஏற்படும் உணவு பஞ்சத்தால் மேலும் 100 கோடி பேர் கொல்லப்படுவார்கள்.
• உலகின் எந்த மூலையாக இருந்தாலும் 100 அணு குண்டுகள் வெடித்தாலல் அது ஒட்டு மொத்த உலகை பஸ்பமாக்கிவிடும். உலகளவில் பருவநிலை மாற்றம், வேளாண் உற்பத்தி சரிவு என்று பேரழிவு ஏற்படும்.

ஜப்பானின், ஹிரோஷிமா - நாகசாகி நகரங்கள் மீது அமெரிக்காவால் வீசப்பட்ட அணு குண்டுகளால் 2 லட்சம் பேர் கொல்லப்பட்டார்கள். இவற்றைவிட சக்தி வாய்ந்த அணுகுண்டுகள் தற்போது உலக நாடுகளிடம் உள்ளன. அவற்றின் ஆபத்தை உணர்ந்து உலக நாடுகள் தங்கள் வசம் உள்ள அணுகுண்டுகளை தாமாகவே முன்வந்து அழிக்க வேண்டும் என்றும் ரா ஹெல்பன்ட் கேட்டுக் கொண்டார்.

உலகின் முக்கியமான அணு ஆயுத நாடுகளும் அவை பெற்றுள்ள அணு ஆயுதங்களும்: 

• அமெரிக்காவிடம் 7700 அணு ஆயுதங்களும்,
• ரஷ்யாவிடம் 8500 ம்,
• பிரிட்டனிடம் 225 ம்,
• பிரான்ஸ் 300 ம்,
• சீனா 240 ம்,
• இந்தியா 100 ம்,
• பாகிஸ்தான் 90 ம்,
• வடகொரியா 10 அணு ஆயுதங்களும் வைத்திருப்பதாக தகவல்கள் தெரிவிக்கின்றன.
• இஸ்ரேல் ரகசியமாக அணு ஆயுத சோதனையை நடத்தியுள்ளது. அதனிடம் 200 அணு ஆயுதங்கள் உள்ளதாகவும் நம்பப்படுகிறது. 

Read More

முக்கிய செய்திகள் - வாசிப்பது மிஸ்டர் பாமரன்: 'காமன்வெல்த்தின் 'காமன்’ போக்குகள்'

காமன்வெல்த் கட்டமைப்புக்கான பேச்சுக்கள் 1884 இல், முதன் முதலாக துவங்கின.

 

1887 இல், பிரிட்டீஷ் ஆளுகைக்கு உட்பட்டவர்களிடையே பேச்சு வார்த்தை நடந்தது.

1917 இல் பிரிட்டீஷ் காமன்வெல்த் நாடுகள் என்ற பெயர் ஜான் ஸ்மட்ஸ் முன்மொழிந்தார்.

இரண்டாம் உலகப் போருக்குப் பிறகு பிரிட்டீஷ் சாம்ராஜ்யத்திடமிருந்து விடுதலைப் பெற்ற காலனிகள் காமன்வெல்த்தில் அங்கம் வகிக்க சம்மதம் தெரிவிக்கப்பட்டது.

இந்தியா குடியரசானபோது, 'காமன்வெல்த்தின் தலைமையை பிரிட்டீஷ் ராஜகுடும்பம் வகிப்பதில் கருத்து வேறுபாடு இல்லை! ஆனால், சுதந்திர நாடாகவே உறுப்பினர் பதவி வகிக்க முடியும்!'- என்று நிர்பந்திக்கவே பிரிட்டீஷ் என்ற வார்த்தை அகற்றப்பட்டது. 'காமன்வெல்த் நாடுகளின் கூட்டமைப்பு' என்று பெயர் மாற்றம் செய்யப்பட்டது.

காமன்வெல்த் நாடுகளின் மொத்த உறுப்பினர்கள் 53 நாடுகள். இதில் 16 நாடுகளுக்கு இப்போதும் பிரிட்டீஷ் ராணிதான் பேரரசியாக உள்ளார். அதேபோல, இன்னும் ஐந்து நாடுகளுக்கு அவரவர் அரசு குடும்பங்கள் தலைமை வகிக்கின்றன. 32 நாடுகள் குடியரசுகள். 

பிரிட்டீஷ் காலனி ஆதிக்கத்தில் இருந்தும் எகிப்து, இராக், ஜோர்டான், பலஸ்தீனம் (இஸ்ரேல் உட்பட), மியான்மர், ஏமன், சோமாலியா, குவைத், பஹ்ரைன், ஓமன், கத்தார், ஐக்கிய அரபு அமீரகம் போன்ற நாடுகள் காமன்வெல்த்தில் இன்னும் உறுப்பினர்கள் ஆகவில்லை என்பது குறிப்பிடத்தக்கது.

அதேபோல, 'ஏட்டுச் சுரைக்காய் கறி சமைக்க உதவாது!'- என்பது போல, காமன்வெல்த் நாடுகளிடையே வெளியுறவுக் கொள்கையில் இணக்கம், வணிகம் மற்றும் பயணம் போன்ற திட்டங்கள் பேசப்பட்டாலும் அவை நடைமுறைப் படுத்தப்படுவதில்லை.

மாநாடுகள் நடப்பதும், அவற்றுக்கான எதிர்ப்புகள் தொடர்வதும், விளையாட்டுப் போட்டிகளுக்கான இடங்கள் தேர்வு செய்யப்படுவதும் பிறகு அவற்றை எதிர்ப்பதும் தற்போது நடைமுறையில் நடந்து கொண்டிருக்கும் 'காமனான' அம்சங்களாகும். 

Read More

முக்கிய செய்திகள் - வாசிப்பது மிஸ்டர் பாமரன் : 'துப்புரவு பணியில் சென்னை மாநகராட்சி'

சென்னையில் நாள்தோறும் 5,500 டன் குப்பை சேருகிறது.

குப்பைகளை அகற்ற 16,000 துப்புரவு பணியாளர்கள் ஈடுபடுத்தப்படுகின்றனர்.

இவர்களில் 9,000 பேர் மட்டுமே மாநகராட்சி நிரந்தரப் பணியாளர்கள். மற்றவர்கள் தனியார் நிறுவனங்கள் மூலமாகவும், ஒப்பந்த அடிப்படையிலும் பணி புரிபவர்கள்.

Read More