சாத்தான்குளம் கொடூரன்களைவிட கொரோனா எவ்வளவோ மேல்!
இன்று ஜுன் 26, சித்திரவதையால் (International Day in Support of Victims of Torture) பாதிக்கப்பட்டுள்ளோருக்கு ஆதரவு தரும் நாள். மனித உரிமைகள் சம்பந்தமான விழிப்புணர்வு, முன்னெடுக்க வேண்டிய நாள். தன்னார்வலர்கள், தொழிற்சங்கங்கள், அரசியல் அமைப்புகள் ஒன்று சேர்ந்து சித்திரவதையால் பாதிக்கப்படுவோருக்கு உரத்து குரல் எழுப்பி, நீதியைப் பெற்றுத் தர வேண்டிய நாள்! ~இக்வான் அமீர்.
சாத்தான்குளம் காவல்நிலைய கொட்டடி கொலைகளும், பிச்சைக்காரனும்!
மக்களுக்கு சேவை செய்ய வேண்டிய மக்களின் நேரடி வரிப் பணத்தில் சம்பளம் பெற்று குடும்பம் நடத்தும் காக்கிசட்டைகள் மக்கள் சேவகர்களாக இருப்பதில்லை. அதிகார ஆணவத்தின் உச்சாணியில்தான் இருக்கிறார்கள். அநீதிகளும், அக்கிரமங்களுமாய்தான் காவல்துறையின் வரலாறு தொடர்கிறது. கீழ்நிலையிலிருந்து, மேல்நிலை அதிகாரிவரை வாய் திறந்தாலே வெறும் பொய்தான்! பொய்யான குற்றச்சாட்டுகள், பொய்யான புனைவுகள், பொய்யான விசாரணைகள், பொய்யான சாட்சிகள், மேலதிகாரிகளின் பொய்யான விளக்கவுரைகள்! என்று எல்லாமே பொய்கள்தான்!~இக்வான் அமீர.
வடசென்னையில் சூரிய கிரணம்
21, ஜூன் 2020 ஞாயிற்றுக்கிழமை அன்று வடசென்னை எண்ணூரில் தெரிந்த சூரிய கிரண காட்சி இது.
காக்கிசட்டை கொலைக்காரர்களுக்கு மரணதண்டனை எப்போது?
சாத்தான்குளத்தில், தந்தை ஜெயராஜ், மகன் பென்னிக்ஸீம் சிறையில் கொல்லப்பட்டதற்கு ரூ.10 லட்சம் நிதியுதவியும், குடும்பத்தில் ஒருவருக்கு அரசு வேலை என்ற அறிவிப்பும் நீதியாக இருக்க முடியாது.
டிராகன் பழச் செடியை கவாத்து செய்வது எப்படி?
How To Prune Dragon Fruit ....
Sunday, November 10, 2013
நடப்புச் செய்தி: 'பூனைகளல்ல நாம்; புலிகள்!'
"இது என்ன லூஸீ தனமாயில்லே இருக்கு?" - என்றவாறு திருமதி வந்தார்.
அன்று உள்துறை அமைச்சகம் சற்று காட்டமாகவே இருந்ததை அந்த வருகை வெளிப்படுத்தியது.
" என்னம்மா?" - என்று நிமிர்ந்து பார்த்தேன்.
"இதோ! பேப்பர் படிங்க"
அவர் நீட்டிய கரங்களில் அன்றைய நாளேடு.
'காமன்வெல்த் மாநாடு: பிரதமர் புறக்கணிப்பு'
'வெளியுறவுத் துறை அமைச்சர் சல்மான குர்ஷித் பங்கேற்கிறார்'
- என்று கொட்டை எழுத்தில் முகப்பு செய்தி வெளியாயிருந்தது.
"... வீட்டுத் தலைவர் போகாத இடத்தில் தனது குடும்பத்து உறுப்பினர் ஒருவரை அனுப்பி வைப்பது போலல்லவா இது இருக்கு! லூஸீ பசங்க!" - பிரஷ்ர் ஏற்றிக் கொண்டு பிள்ளைகள் அழுகுரல் கேட்டு அவர் சென்று விட்டார்.
உண்மைத்தான்! ஒவ்வொரு தமிழனும் இப்படிதான் உணர்வுபூர்வமாய் இருப்பார்; கோபத்தை வெளிப்படுத்துவார். காமன்வெல்த் மாநாடு சம்பந்தமாக தற்போது இந்திய அரசு எடுத்துள்ள நிலைபாடு ஒரு விதத்தில் முட்டாள்தனமானது என்றாலும் தவிர்க்கவும் இயலாதது.
இலங்கை தமிழர்களின் அத்தனை துயரங்களுக்கும், படுபாதக இனவெறி செயல்களுக்கும் முதல் குற்றவாளியாக நிற்பதே நாம் எனப்படும்போது வேறு எப்படிதான் முடிவெடுப்பது.
தமிழர்களையும், தமிழர்களின் ஒரே பிரதிநிதி என்று சொல்லிக் கொள்ளும் திராவிடக் கட்சிகளையும், மற்றும் திராவிட உதிரி கட்சிகளையும் அரசியலுக்கான சமாதானப்படுத்த வேண்டுமே! அதுதான் இந்த முடிவு.
வேறொரு நாட்டின் அந்நிய விவகாரங்களில் அத்துமீறி நுழைந்ததோடு அல்லாமல் அந்த நாட்டுக்கு நமது இராணுவத்தையும் அனுப்பி ஒரே நாடாக இருந்ததை 'பங்களாதேஷ்' என்று கூறு போட்டு தந்த நமக்கு இலங்கையை அதட்டி தமிழர்கள் நலன் காக்க முடியாதா?
அக்கறையில்லை! ஆம்! உண்மைதான் அக்கறையில்லை! இந்திய உபகண்டத்தில் தமிழகமும், தமிழரும் உண்டு என்று உணர்வுபூர்வ எண்ணம் மோலோங்கததாலேயே வந்த வினை இது.
நாம் ஆரம்பத்தில் சோவியத் நடை நடந்தோம். இப்போது 'பெத்தண்ணா' அமெரிக்கா 'பேட்டை பிஸ்தா' நடை நடக்கிறோம்! அசலான நமது நடையை மறந்துவிட்டோம்! பூனைகளல்ல நாம் கோடுகளை சூடு போட்டுக் கொள்வதற்கு; அசலான இந்திய புலிகள்! நமது இறையாண்மையை நாம்தான் கட்டிக் காத்துக் கொள்ள வேண்டும்; இமயம் போன்ற உறுதியோடு!
இலங்கை தமிழர்களுக்கு எதிராக ஆயுதம் தந்து, எல்லாவிதமான ராஜதந்திர உதவிகளையும் செய்து, ஆசியாவின் மிக உயர்ந்த ராணுவ தொழில்நுட்பங்களையும் பகிர்ந்து, தமிழர்களை சர்சநாசம் செய்த ஆட்சி எந்திரம் காமன்வெல்த் மாநாடு விஷயத்தில் இதை விட மிகச் சிறந்த நடவடிக்கையை எப்படி எடுக்க முடியும்? என்பதை ஏனோ எனது வீட்டு உள்துறைக்கு புரியவில்லை.
Friday, November 8, 2013
நடப்புச் செய்தி: 'எது தேவையற்றது நெடுமாறனய்யா?'
மிகவும் சாதுர்யமாக தஞ்சையின் முள்ளிவாய்க்கால் நினைவு முற்றத்தை திட்டமிட்ட நாளுக்கு முன்னதாகவே புதன் அன்று திறந்துவிட்டீர்கள்; ஆக, தங்களுக்கு வாழ்த்துக்கள்!
இலங்கை முள்ளிவாய்க்காலில் 2009 -ஆம், ஆண்டு நடைபெற்ற போரின்போது இனப்படுகொலை செய்யப்பட்ட தமிழ் மக்களின் நினைவாகதான் இந்த நினைவு முற்றம் திறக்கப்பட்டுள்ளதாகவே நினைவு. அதாவது மோடி ஆளும் குஜராத்தில் 2002 இல். முஸ்லிம்கள் இனப்படுகொலை செய்யப்பட்டது நினைவாக குல்பர்காவில் நினைவிடம் அமைக்கப்பட்டது போன்றதொரு இனப்படுகொலையைச் சுட்டும் நினைவு முற்றம்தான் இதுவும்.
இலங்கையில் தமிழ் இன மக்கள் பட்ட துன்பங்களை விளக்கும் வகையில் முழுவதும் கருங்கற்களான வடிக்கப்பட்ட சிற்பங்கள் மற்றும் போர் நிறுத்தத்தை வலியுறுத்தி உலகின் பல பகுதிகளில் தீக்குளித்த உயிர் நீத்த தமிழர்களின் சிற்பங்கள், நெஞ்சை நெகிழச் செய்யும் ஓவியங்கள் மற்றும் தழிழறிஞர்களின் ஓவியங்கள் என்று ஒரு ஒட்டு மொத்த வரலாற்றை அதுவும் சோக வரலாற்றை உள்ளடக்கிய காலப்பெட்டகம் அது.
இதையே கொஞ்சம் பெயர்களையும். ஊர்களையும், காலத்தையும் மாற்றிப் பாருங்களேன்!
- முள்ளிவாய்க்காலுக்கு பதிலாக குஜராத்
- ராஜபட்சேவுக்கு பதிலாக நரேந்திர மோடி
- தமிழ் இனப்படுகொலைக்கு பதிலாக முஸ்லிம் இனப்படுகொலை
- 2009 முள்ளிவாய்க்காலில் நடைபெற்ற நெஞ்சை உருக்கும் படுகொலைகளுக்கு பதிலாக குஜராத் மாநிலம் முழுவதும் அதற்கும் சற்றும் குறையாமல் 2002 -இல், நடந்த நெஞ்சை உலுக்கும் படுகொலைகள்
- என்று எதில் நீங்கள் வித்யாசம் கண்டீர்கள்?
முள்ளிவாய்க்காலில் தமிழ் இனப்படுகொலைகள் செய்தவர்களின் வாரிசுகள் அதாவது ராஜபட்சேவின் சேனைப்பரிவாரங்கள் இந்த விழாவுக்கு நீங்கள் அழைத்திருக்கிறீர்கள் தெரியுமா? அழைத்ததும் அல்லாமல் அவர்களுக்காக வக்காலத்தும் அல்லவா வாங்கியிருக்கிறீர்கள்? என்ன கொடுமை இது?
என்ன தமிழ் இனக்காவலருக்கு புரியவில்லையா?
அய்யா ஒன்றுமில்லை.. தாங்கள் முள்ளிவாய்க்கால் நினைவு முற்றம் திறப்பதற்கு அழைத்திருந்த பொன்.ராதாகிருஷ்ணன், அர்ஜுன் சம்பத் இவர்கள் எல்லாம் ராஜபட்சேவின் சேனைப்பரிவாரங்கள் போன்ற தூய இனவாதிகள்தான்! ஆனால், பெயர்கள்தான் இங்கே மாறி உள்ளன அதாவது நரேந்திர மோடியின் சங்பரிவார பாஸிச இனவாதிகள் இவர்கள்.
ஒரு நிர்பந்தமான சூழலில் உங்களிடம் பத்திரிகையாளர்கள் கேட்ட கேள்விக்கு நீங்கள் பதில் அளிக்காமலேயே தவிர்த்திருக்க முடியும். ஆனால், நீங்கள் வெந்தப் புண்ணில் வேல் பாய்ச்சியதற்கு ஒப்ப பதில் அளித்தீர்கள்.
பத்திரிகையாளர்களுக்கு நீங்கள் அளித்த பேட்டியில் கேட்கப்பட்ட கேள்வி, "இலங்கையில் சிறுபான்மை தமிழர்களை சிங்கள ராணுவம் இனப்படுகொலை செய்தது போலவே, பாஜக ஆளும் குஜராத்தில் 2002 - இல், சிறுபான்மை முஸ்லிம்கள் இனப்படுகொலை செய்யப்பட்டனர். அதன் நினைவாக குல்பர்காவில் நினைவிடம் அமைக்கப்பட்டுள்ள நிலையில், பொன்.ராதாகிருஷ்ணன், அர்ஜுன் சம்பத் போன்றவர்களை இந்த நிகழ்ச்சிக்கு அழைத்தது முரண்பாடில்லையா?" என்பதாகும்.
ஆனால், அதற்கு நீங்கள் அளித்த பதில் என்ன தெரியுமா? இதோ: "இது தேவையற்ற கேள்வி. ஏற்கனவே பலமுறை பதிலளிக்கப்பட்டுவிட்டது. இது, தமிழர்களின் நிகழ்ச்சி என்பதால் முள்ளிவாய்க்கால் படுகொலைக்குக் காரணமானவர்களையும், துணைபோனவர்களையும் தவிர மற்ற அனைத்துத் தரப்பினரும் அழைக்கப்பட்டுள்ளனர்!"
அப்படியானால், குஜராத் இனப்படுகொலைகள் சரி என்கிறீர்களா? கொடும் இனவாதியான மோடியின் செயலுக்கு நியாயம் கற்பிக்கிறீர்களா?
உங்களின் இந்த நிலைப்பாடு ஒடுக்கப்பட்ட ஒரு சமுதாயத்தின் நெஞ்சை குத்தி கிழித்திருக்கிறது தெரியுமா உங்களுக்கு?
ரணங்கள் எல்லோருக்கும் பொதுவானவைதான்! வலியும் எல்லோருக்கும் ஒன்றுதான்! நினைவுகளின் வேதனைப் பொதிகளும் சமமானவைதான்!
உங்களின் பார்வையின் வீச்சின் கோளாறுகளை எங்களால் உணர்ந்து கொள்ள முடிந்தது அந்த முள்ளிவாய்க்கால் நினைவு முற்றம் திறப்பு விழாவில்.
தேவையற்ற கேள்வி உங்களுக்காயினும், துடைத்தெறிய முடியாத கோரங்கள் சிங்கள வெறியர்களால் தமிழினத்துக் இழைக்கப்பட்டது போலவே முஸ்லிம் இனத்துக்கும் குஜராத்தில் சங்பரிவாரங்களால் இழைக்கப்பட்டது.
பாதிக்கப்பட்டோர் பக்கத்தில் நின்று பாருங்கள்! எல்லா கேள்விகளும் விடைகள் தேவையானவையாகிவிடும்!
Thursday, November 7, 2013
சிறப்புக் கட்டுரை: 'தலைக்கு மேல் சோகங்களை சுமந்துவரும் 'ட்ரோன்கள்!'
அமெரிக்க காங்கிரஸ் சபையில் ஒலித்த அந்த சிறுமி மற்றும் சிறுவனின் குரலின் குமுறல் அறை நிறைய அடைப்பட்டிருந்த அந்த அமெரிக்க ராஜதந்திரிகளின் மனசாட்சியை நிச்சயமாகவே உலுக்கியிருக்கும். "உங்களைப் போலவே எங்களையும், சரிசமமாக நடத்துங்கள்!" அன்றாடம் தலைக்கு மேல் சுமந்துவரும் சோகங்களை கொட்டித் தீர்த்தார்கள் அண்ணன் தங்கையுமாக அவர்கள்!
ஆளில்லாத 'ட்ரோன்' விமானங்கள் மூலமாக அமெரிக்கா தொடுத்துவரும் தாக்குதல்களால் தனது அன்புக்குரிய பாட்டியை பறிகொடுத்த பேத்தியின், பேரனின், தனது அன்பான தாயை இழந்த மகனின் சோகங்கள் அங்கே வார்த்தைகளால் குழைந்தெடுக்கப்பட்டு அமெரிக்ககர்கள் முன் வைக்கப்பட்டன.
பாகிஸ்தானின் கிராமப்புறத்து ஆசிரியரான ரபீக்குர் ரஹ்மான் தனது 67 வயது தாயை ஆளில்லாத ட்ரோன் விமானத் தாக்குதலால் பறிகொடுத்த தனது மகள் மற்றும் மகனுடன் நீதி கேட்டு அமெரிக்க பயணம் மேற்கொண்டவர். 'மை நேம் ஈஸ் கான்! ஐ ஆம் நாட் டெரரிஸ்ட்' படத்தின் கதாநாயகனின் நீதிக்கான பயணம் போலவே அமைந்த பயணம் அது.
ரபீகுர் ரஹ்மான் தனது 13 வயது மகனான ஜுபைர் மற்றும் 9 வயதான மகள் நபீலாவுடன் 30.10.2013 அன்று கேபிடல் ஹில்லுக்கு சென்றடைந்தார். ரேபான் ஹவுஸ் அலுவலகத்து மாளிகையில் நடந்த இந்த சந்திப்பை குடியரசு கட்சியைச் சேர்ந்த புளோரிடாவின் ஆலன் கிரே சன் ஏற்பாடு செய்திருந்தார்.
2012, அக்.24 மோமினா பீவி வடக்கு வஜீரஸ்தானின் தனது வயலில் வேலை செய்து கொண்டிருந்தார். அவரது மனம் இன்னும் சில நாளில் எதிர்படவிருக்கும் பண்டிகையை பேரன், பேத்திகளோடு உற்சாகமாக கொண்டாடும் நினைவுகளில் லயித்திருந்தது. இந்த நேரம்தான் அவரது அத்தனை கனவுகளையும் குலைத்து தலைக்கு மேலாக பறந்த ட்ரோனின் குண்டு அவரை எரித்து கொன்றது.
ஈதை உற்சாகமாக கொண்டாட கலர் கலரான கனவுகளுடனிருந்த ஜுபைர் தனது அன்புக்குரிய பாட்டியை பட்டப்பகலில் பறிகொடுத்து ஓராண்டு கடந்தபின்னும் இன்னும் அந்த சோகத்திலிருந்து அவர் வெளிப்பட்டதாக தெரியவில்லை. கார் மேகமாய் வானத்திலிருந்து இறங்கிய அந்த கந்தக நெடிகளின் வாசனையை அவரால் இன்னும் மறக்க முடியவில்லை. அந்த நினைவுகள் வரும்போதெல்லாம் அவர் பயத்தால் உறைந்து போகிறார்.
"ட்ரோன் குண்டுவீச்சுகளால் தங்கள் சொந்த - பந்தங்களை இழந்த பல குடும்பங்கள் எனக்குத் தெரியும். ட்ரோன்கள் பிரச்னைக்கு சரியான தீர்வு அல்ல. இது ஒரு காலும் பிரச்னையை தீர்க்க உதவாது அந்த குடும்பத்தாரைப் போலவே நானும் வழிமொழிகிறேன்!" - என்கிறார் வருத்தத்துடன் ரஹ்மான்.
ட்ரோன் குண்டு வீச்சுகளால் பாதிக்கப்பட்டவர்கள் சார்பாக அமெரிக்கா சென்று வழக்காடி வந்த பாகிஸ்தானின் வழக்குரைஞர் ஷாஜாத் அக்பருக்கு 2011 லிருந்து விசா மறுக்கப்பட்டு வருகிறது என்பது குறிப்பிடத்தக்கது.
Wednesday, November 6, 2013
சிறப்புக் கட்டுரை: வெற்றியின் தருணங்கள்!'
05.11.2013 பிற்பகல் 2.00 மணி. பரபரப்பானது நமது விழிகளின் படபிடிப்புக் குழு. இரண்டு பிரிவுகளாக பிரிந்து ஒரு பிரிவு வடசென்னையின் இறுதி எல்லையான எண்ணூர் நெட்டுக்குப்பம், முகத்துவாரத்தின் அருகிலும், இன்னொரு பிரிவு, முகத்துவாரக்குப்பத்தின் அருகிலும் காத்திருந்தது.
பிற்பகல் 2.30 மணி, ஶ்ரீஹரிகோட்டாவின் சதீஷ் தவண் விண்வெளி ஆய்வு மையத்தின் விஞ்ஞானிகளைவிட பதட்டம் சூழ்ந்து கொண்டது.
மங்கள்யான் புறப்படவிருக்கும் ஶ்ரீஹரிகோட்டாவின் பக்கம் குத்துமதிப்பாக காமிராவைத் திருப்பி துள்ளிவிழும் உற்சாகத்துடனான காத்திருப்புடன் படகில் அமர்ந்திருந்த எமக்கு, சொதப்பலில்லாமல் வெற்றிகரமாக விண்கலம் விண்ணில் செலுத்தப்பட வேண்டுமே என்ற கவலை பற்றிக் கொள்கிறது.
இருகுழுவினரும் இடையிடையே பொன்னான அந்த தருணங்களை நழுவவிடக் கூடாது என்று பரஸ்பர தகவல் பரிமாற்றங்களின் ஊடேயோன ஒரு காத்திருப்பு அது.
எதிரே ஒரு படகில் எம்தேசத்தின் கொடி கம்பீரமாய் பட்டொளி வீசி பறக்க பிற்பகல் 2.36 -- 2.38 க்கு இடைப்பட்ட நேரத்தில் சர்ரென்று சின்ன ராக்கெட் தீம்பிழம்பாய்... விண்ணை நோக்கி மங்கள்யான் சீறிப்பாய்ந்த அந்த தருணங்கள் வார்த்தைகளில் வடிக்க இயலாதவை!
இந்த வெற்றியின் பலன் வலிமை மிக்க இந்தியாவை உருவாக்கும் என்பது ஒருபுறம் இருக்கட்டும். ஆனால், நமது அரசியல்வாதிகளின் பிழைப்புக்கு நிச்சயம் உதவும் இது. "அடுத்த தேர்தல்,வாக்குறுதியாக, செவ்வாயில் குடிக்க நீர், இருக்க இடம் தருவதாக!' சொல்லப்படும்!" - என்கிறது 'தி ஹிந்து' ஆங்கில நாளேட்டின் நையாண்டி கேலிசித்திரம்.
செஞ்சாலும், செய்வாங்க நம்ம மகராசாங்க!
செஞ்சாலும், செய்வாங்க நம்ம மகராசாங்க!
காலப்பெட்டகம்: 'ஒரே வித சம்பவங்களில் கற்பிக்கப்படும் ஏற்றத் தாழ்வுகள்!'
ஏறக்குறைய ஒரே சம்பவங்கள். இரண்டும் இன்னும் நிரூபிக்கப்படவில்லை. ஆனால், ஊடகங்கள் செய்தியை எப்படி வடிவமைக்கின்றன பாருங்கள்! ஒரே தேசத்தின் மக்களிடையே ஏற்றத் தாழ்வுகள் ஏன்?
ஒரே குற்றச்சாட்டுக்கு ஆளான ஒரு தரப்பு தீவிரவாதிகள் என்றால்.. அதே குற்றச்சாட்டுக்கு ஆளான இவர்களை அதே பெயரில் ஏன் அழைக்கக் கூடாது?
நடப்புச் செய்தி: 'கண்டன ஆர்ப்பாட்டம்'
இலங்கையில் நடைபெறவிருக்கும் காமல்வெல்த் மாநாட்டை கண்டித்தும், இந்திய அரசு அதில் பங்கெடுப்பதை எதிர்த்தும் 'மக்கள் ஜனநாயக இளைஞர் கழகம் சார்பாக 08.11.2013, வெள்ளி அன்று மாலை 4.00 மணி அளவில் சென்னை வள்ளுவர் கோட்டம் அருகில் கண்டன ஆர்ப்பாட்டம் நடைபெறவிருக்கிறது. மஜஇக வின் மாநில அமைப்பாளர் தோழர் ஞானம் தலைமை வகிக்கிறார்.
இது சம்பந்தமாக சென்னை, எண்ணூர் அசோக் லேலண்ட் நிறுவனத்தின் பிரதான நுழைவாயில் எதிரே 06.11.2013 மதியம் கண்டன ஆர்ப்பாட்டம் நடைபெற்றது.
