சாத்தான்குளம் கொடூரன்களைவிட கொரோனா எவ்வளவோ மேல்!
இன்று ஜுன் 26, சித்திரவதையால் (International Day in Support of Victims of Torture) பாதிக்கப்பட்டுள்ளோருக்கு ஆதரவு தரும் நாள். மனித உரிமைகள் சம்பந்தமான விழிப்புணர்வு, முன்னெடுக்க வேண்டிய நாள். தன்னார்வலர்கள், தொழிற்சங்கங்கள், அரசியல் அமைப்புகள் ஒன்று சேர்ந்து சித்திரவதையால் பாதிக்கப்படுவோருக்கு உரத்து குரல் எழுப்பி, நீதியைப் பெற்றுத் தர வேண்டிய நாள்! ~இக்வான் அமீர்.
சாத்தான்குளம் காவல்நிலைய கொட்டடி கொலைகளும், பிச்சைக்காரனும்!
மக்களுக்கு சேவை செய்ய வேண்டிய மக்களின் நேரடி வரிப் பணத்தில் சம்பளம் பெற்று குடும்பம் நடத்தும் காக்கிசட்டைகள் மக்கள் சேவகர்களாக இருப்பதில்லை. அதிகார ஆணவத்தின் உச்சாணியில்தான் இருக்கிறார்கள். அநீதிகளும், அக்கிரமங்களுமாய்தான் காவல்துறையின் வரலாறு தொடர்கிறது. கீழ்நிலையிலிருந்து, மேல்நிலை அதிகாரிவரை வாய் திறந்தாலே வெறும் பொய்தான்! பொய்யான குற்றச்சாட்டுகள், பொய்யான புனைவுகள், பொய்யான விசாரணைகள், பொய்யான சாட்சிகள், மேலதிகாரிகளின் பொய்யான விளக்கவுரைகள்! என்று எல்லாமே பொய்கள்தான்!~இக்வான் அமீர.
வடசென்னையில் சூரிய கிரணம்
21, ஜூன் 2020 ஞாயிற்றுக்கிழமை அன்று வடசென்னை எண்ணூரில் தெரிந்த சூரிய கிரண காட்சி இது.
காக்கிசட்டை கொலைக்காரர்களுக்கு மரணதண்டனை எப்போது?
சாத்தான்குளத்தில், தந்தை ஜெயராஜ், மகன் பென்னிக்ஸீம் சிறையில் கொல்லப்பட்டதற்கு ரூ.10 லட்சம் நிதியுதவியும், குடும்பத்தில் ஒருவருக்கு அரசு வேலை என்ற அறிவிப்பும் நீதியாக இருக்க முடியாது.
டிராகன் பழச் செடியை கவாத்து செய்வது எப்படி?
How To Prune Dragon Fruit ....
Friday, September 20, 2013
Wednesday, September 18, 2013
சிறப்புக் கட்டுரை: 'சொந்த நாட்டின் அடிமைகளான முஸ்லிம்கள்!'
வழக்கம் போலத்தான் இந்த வகுப்பு கலவரங்களிலும் வகுப்பு வெறியர்கள் பெண்களைக் குறிவைத்து அவர்களது கற்பையும், மானத்தையும் சூறையாடியுள்ளார்கள். முஸாபர்நகர் மற்றும் அதன் சுற்றுப் புறங்களிலும் பெண்களுக்கு எதிரான இந்தக் கொடுமை அரங்கேறியுள்ளது.
உத்திரப்பிரதேசத்தின் 'முஸாபர்நகர்', 'ஷாமிலி' மற்றும் 'பானிபட்' மாவட்டங்களுக்கு உட்பட்ட 'லிஸார்', 'லங்க்', 'பஹாவாடி', 'ஹஜன்பூர்', 'முஹம்மத்பட்', 'பாக்பட்' போன்ற குக்கிராமங்களைச் சேர்ந்த பெண்கள் மற்றும் சிறுமிகள் அவர்கள் குடும்பத்தார் முன்னிலையிலேய கயவர்களால் கூட்டாகக் கற்பழிக்கப்பட்டிருக்கிறார்கள். தங்கள் உயிரையும், மானத்தையும் காப்பாற்றிக் கொள்ள குடும்பத்தாருடன் கிராமங்களிலிருந்து வெளியேறிக் கொண்டிருந்த போது இந்த கொடூரம் நடந்தாக பாதிக்கப்பட்டவர்கள் கண்ணீருடன் சொல்கிறார்கள்.
அனைத்தையும் இழந்து தங்கள் தாய் மண்ணிலிருந்து வெளியேறிய ஆயிரக்கணக்கானோர் 'கய்ரானா' மற்றும் 'கண்டாலா' போன்ற நகரங்களில் குடியேறிக் கொண்டிருக்கிறார்கள். ஒருபோதும் தங்கள் தாய் மண்ணுக்கு திரும்ப அவர்களுக்கு துணிவில்லை. இனி இழப்பதற்கு அவர்களிடம் ஒன்றுமேயில்லை.
இந்த நகரங்களில் அமைக்கப்பட்டிருக்கும் நிவாரண முகாம்களிலிருந்துதான் தாங்கள் பறிகொடுத்த கண்ணியத்தை கண்ணீர் துளிகளோடு அவர்கள் தயங்கி தயங்கி உலகுக்கு வெளிப்படுத்திக் கொண்டிருக்கிறார்கள். உயர்சாதி வகுப்பினரான 'ஜாட்' இன நிலசுவன்தாரர்கள் மற்றும் வகுப்புவெறியர்கள்தான் இதற்கு காரணம் என்று அவர்கள் அடையாளப்படுத்துகிறார்கள்.
ஆமினா (பெண்ணின் பெயர் மாற்றப்பட்டுள்ளது) 17, 18 மற்றும் 21 வயதுடைய இளம் பெண்களின் தாய். மாப்பிளைப் பார்த்து நகை, நட்டுகளோடு தன் குழந்தைகளின் மணக்கோலத்தை பார்க்கக் காத்திருந்தவர். "எங்கள் குடும்பத்தைச் சேர்ந்த .. நால்வர் .. என் மூன்று பெண்கள் உட்பட வன்முறையாளர்களால் சிறைப்பிடிக்கப்பட்டார்கள். 10-15 பேர் கொண்ட வெறிப்பிடித்த அந்த கும்பல் என் கண்முன்னாலேயே என் பெண்களை கற்பழித்த அந்தக்கொடுமையை நான் காணாமல் செத்திருக்கக் கூடாதா?" அழுகையும், கேவலுமாய் உணர்வுகள் விம்மி துடிக்கின்றன. "இதில் இருவரை குற்றுயிரும், குலையுயிருமாய் விடுவித்துவிட்டனர். இன்னும் இருவரது நிலை என்னவென்று இதுவரையும் தெரியவில்லை!" - என்கிறார் அந்த அபலைப் பெண் பிள்ளைகளைப் பறிகொடுத்த தாய் வேதனையோடு.
ஆமினாவின் குடும்பத்தில் மட்டும் நடந்த சம்பவமல்ல இது.
இப்படி ஏராளமான அபலைப் பெண்கள் அவர்களது அண்டை அயலாராலேயே அவமானப்படுத்தப்பட்டார்கள். கற்பழித்துப் படுகொலை செய்யப்பட்டார்கள். துண்டு துண்டாய் நறுக்கி எரிக்கப்பட்டார்கள்.
சபீனா (பெயர் மாற்றப்பட்டிருக்கிறது) 16 வயது இளம் பெண். அவளுக்கும் இந்த அநீதி அதே வன்முறை கும்பலால் இழைக்கப்பட்டிருக்கிறது. இரண்டு மணி நேரம்.. பாதுகாப்பு படைகள் வரும்வரை அவள் அந்த வகுப்புவாதிகளிடம் சிக்கி நரக வேதனை அனுபவித்திருக்கிறார்.
'கஹாப்' பஞ்சாயத்துக்கு உட்பட்ட ஜாட் இனத்து தலைவன் 'ஹரி கிருஷ்ணாவின்' மகன் 'ராஜேந்திரா'தான் இந்த கும்பலுக்குத் தலைமை வகித்தது என்றும் சபீனா கயவர்களை அடையாளம் காட்டுகிறார். அந்த கும்பலால் கற்பழிக்கப்படும் போது அவர்களின் வெறிப்பிடித்த அந்தக் கூச்சல் இன்னும் தன் காதில், "அழகு சுந்தரிகளை அனுபவிப்போம்! மற்றவர்களை கொன்றொழிப்போம்!" ஒலிக்க இரு கரங்களால் செவிகளை மூடிக் கொள்கிறார் அவர் பீதியுடன்.
செப். 8 - இல், 5-7 கொண்ட கும்பலால் கற்பழிக்கப்பட்ட மற்றொரு 25 வயது இளம் பெண் தன்னை இக்கொடுமைக்கு ஆளாக்கிய இருவரது பெயர்களை தெளிவாக குறிப்பிடுகிறார். 'தாரியாவின்' மகன் 'அன்கிட்' மற்றும் 'இலாமந்தின்' மகன் 'சுபாஷ்தான்' அந்த கயவர்கள். இந்த கொடுமைக்கு முதல் காரணமான அஜீதையும் அவர் சுட்டிக் காட்ட மறக்கவில்லை. பாதுகாப்பான புகலிடம் தருகிறேன் என்று கூறிய அந்த நயவஞ்சகனின் பேச்சை நம்பி விலைமதிப்பற்ற தனது மானத்தை இழந்து போன கதை அது. அடைக்கலம் தருவதாய் வாக்களித்த கையோடு கலவரக்காரர்களுக்கு வீட்டையுமம் திறந்து விட்ட மாபாதக செயல் அது.
வகுப்பு வெறியர்கள்.. வெறிநாய்களாய் விரட்ட.. உயிரைக் காத்துக் கொள்ள ஓடோடி காவல் நிலையத்தை தஞ்சமடைந்தனர் பாதிக்கப்பட்டவர்கள். ஆனால், அவர்களிடம் வகுப்பு வெறி காக்கிசட்டைகள், "நாங்கள் எங்கள் மக்களைதான் (ஜாட் மற்றும் இந்துக்கள்) காப்போம்! முஸ்லிம்களை அல்ல!" என்று வெளிப்படையாக பிரகடனம் செய்ததை அவர்கள் மறக்கவில்லை.
இத்தகைய நூற்றுக் கணக்கான கண்ணீர் கதைகள் மேற்கு உத்திரப்பிரதேசத்தின் நிவாரண முகாம்களில் அகதிகளாய் இருக்கும் 1.25 லட்சம் மக்களிடமிருந்து நாவல் உருவத்தில் வெளிப்படுகின்றன.
தங்களை தாங்களேதான் காத்துக் கொள்ள வேண்டும் எந்த அரசாங்கத்தையும் இனி நம்பி பயனில்லை என்பதை இந்தியாவின் பெரும்பான்மை மாநிலத்தில் வாழும் சிறுபான்மையினர் புரிந்து கொண்ட துயரங்கள் அவை.
இந்நிலையில், 'காவ்லா' மற்றும் 'கண்டாலா' நிவாரண முகாம்களுக்கு ஆறுதல் சொல்ல சென்ற மாநில முதல்வர் 'அகிலேஷ் யாதவ்' கருப்புக் கொடி காட்டப்பட்டு கடும் எதிர்ப்புக்கு ஆளாகியுள்ளார். அவரது கையாலாகதனமான அரசு தங்களுக்கு பாதுகாப்பளிக்க தவறிவிட்டதாக பாதிக்கப்பட்டவர்கள் எதிர்ப்பு காட்டியுள்ளார்கள்.
ஆதாரம்: 'டெய்லி பாஹ்ஸ்கர்'
Tuesday, September 17, 2013
Monday, September 16, 2013
காலப்பெட்டகம்: '135 வருடப் பாரம்பரியத்திலிருந்து ஓர் அரிய முத்து உதயம்!'
"பத்திரிகை என்பது மக்களின் கருத்தை வெளிப்படுத்தும் சாதனம் மட்டும் அல்ல. சூழலுக்கு ஏற்ப மக்களின் கருத்துக்களைச் செழுமைப்படுத்தி உருவாக்குவதும் ஆகும். ...
நம் மக்கள் மத்தியில் நல்லிணக்கத்தையும், ஒற்றுமையையும் வளர்க்க வேண்டும். மதச்சார்பின்மையை உறுதியாகப் பின்பற்ற வேண்டும். விவேகமான எல்லாக் கருத்துகளும், நியாயமான அனைத்து தரப்பு விமர்சனங்களும் பாரபட்சம் இன்றி இடம் அளிக்க வேண்டும். ஆள்பவர்களுக்கும், ஆளப்படுபவர்களுக்கும் இடையே பரஸ்பர நம்பிக்கையை உருவாக்க வேண்டும். இவையே எங்கள் இலட்சியம்!"
'தி இந்து' ஆங்கில நாளேட்டின் முதல் நாள் தலையங்கத்தில் இடம் பெற்ற இந்த வரிகளை செழுமைப்படுத்த தழிழர்கள் அவர்களின் தாய் மொழியில் வாசிக்க.. பாதுகாக்க.. ஒரு காலப்பெட்டகமாய் உருவெடுக்கும் 'தி இந்து' தழிழ் நாளிதழ் சிறக்க மிஸ்டர் பாமரனின் - http://mrpamaran.blogspot.in/ - வாழ்த்துக்கள்.
Saturday, September 14, 2013
Friday, September 13, 2013
சிறப்புக் கட்டுரை: 'செயின்ட் பீட்டர்ஸிலிருந்து.. செயின்ட் பீட்டர்ஸ்பர்க்வரை'
"போர்.. போரைத்தான் தோற்றுவிக்கும்! வன்முறை.. வன்முறையைத்தான் உருவாக்கும்!" - வாடிகன் நகரின் செயின்ட் பீட்டர்ஸ் சதுக்கத்தில் திரளாக குழுமியிருந்த மக்கள் முன்பாக நேற்றைய ஞாயிறுக்கு முன் ஞாயிறு அன்று போப் பிரான்சிஸ் ஆற்றிய உரையின் முக்கியப் பகுதி இது. வினை விதைத்தால் வினைதானே அறுவடை செய்ய வேண்டியிருக்கும்? விதைப்பவைதானே முளைக்கும்? ஒவ்வொரு விசையும், அதே அளவிலான எதிர்விசை கொண்டவை என்ற அறிவியல் கருத்தை போப் உணர்த்தியிருக்கிறார்.
சிரியாவில் நிலவும் நெருக்கடி நிலை மற்றும் போர் அச்சுறுத்தல் குறித்துதான் போப் இப்படி உரையாற்றியிருக்கிறார். அமைதி பேச்சு வார்த்தைக்கு சர்வதேச அளவில் நெருக்குதல் தரும்படி அவர் உலக சமூகத்துக்கு அழைப்பு விடுத்தார். அமைதி வழியிலான பேச்சு வார்த்தைகள் மட்டுமே சிரிய மக்களின் பாதுகாப்புக்கு உதவும் என்றார் அவர் அப்போது.
வாடிகனின் செயின்ட் பீட்டர்ஸிலிருந்து .. ரஷ்யாவின் செயின்ட் பீட்டர்ஸ்பர்க்கு மற்றும் உலக மக்களின் நம்பிக்கையை வெள்ளை மாளிகை பொய்ப்பிக்கக் கூடாது.
செயின்ட் பீட்டர்பர்க்கின் ஜி20 மாநாட்டில் சிரியாவுக்கு எதிரான ஒருமித்த கருத்தைத் திரட்ட ஒபமா முயன்றும் அது முடியாமல் போனது. இதிலிருந்து வெள்ளை மாளிகை தனித்து விடப்பட்டது எனலாம் அல்லது வெள்ளை மாளிகையின் அடாவடித்தனங்களை அதன் கூட்டாளிகள் ஒத்துக் கொள்ளவில்லை எனலாம். அதேபோல, பென்டகனின் அறிவுரையைத் தொடர்ந்து சிரியாவுக்கு எதிரான ராணுவ நடவடிக்கைகள் குறித்து 50 க்கும் மேற்பட்ட தடவைகள் ஒத்தி வைத்ததாக பாக்ஸ் நியூஸ் குறிப்பிட்டுள்ளது. அமெரிக்காவின் வலது, இடது கரங்களாக இதுவரை விளங்கிய பிரிட்டனின் தனது 150 ஆண்டு கால வரலாற்றில் சிரியா போர் சம்பந்தமாக அந்நாட்டு பிரதமர் கொண்டு வந்த தீர்மானம் தோல்வியடைந்ததும் குறிப்படத்தக்கது.
Thursday, September 12, 2013
Tuesday, September 10, 2013
Thursday, September 5, 2013
Wednesday, September 4, 2013
சிறப்புக் கட்டுரை: 'காலாவதியாகும் ‘கௌபாய்’ போர்கள்!'
மத்திய கிழக்கு
நாடுகள் ‘கௌபாய் ஹோட்டல்களாகி விட்டன; சிரியா உட்பட! வழிப்போக்கர் யார் வேண்டுமானாலும்
‘டிஜாங்கோ’ பாணியில் துப்பாக்கியை உருவி “பட்.. பட்”டென்று சுட்டு வீழ்த்திவிட்டு உரிமையாளர்களாவது
போலதான் நிஜத்திலும் நடக்கிறது.
ஆம்..! மத்திய கிழக்கு
நாடுகளின் மீது யார் வேண்டுமானாலும், போர்த் தொடுத்து அந்த நாடுகளின் கலை, கலாச்சார
சின்னங்களை அழிக்கலாம், நாகரீகத்தை சீர்க்குலைக்கலாம். மனித உயிர்களைப் பறிக்கலாம்.
மண்ணின் மைந்தர்களான அம்மக்களின் கண்ணியத்தை சூறையாடலாம். கனிம வளங்களை கொள்ளையடிக்கலாம்.
ஏன் பூகோள அமைப்பையே மாற்றியமைக்கலாம். கடைசியாக, தனது எண்ணங்களுக்கொப்ப தலையாட்டி
பொம்மைகளாய் ஆட்சியாளர்களை நியமிக்கலாம்.
இந்த அத்துமீறலுக்கான
உள்நோக்கம் எரிவாயு, நிலப்பரப்பு, ராணுவ மேலாண்மை எதுவாகவும் இருக்கலாம். காரணம் கற்பிக்க
ரசாயன ஆயுதங்கள்.. போலியான மனித உரிமை நிலைநாட்டல் என்று ஆயத்தமான எவ்வளவோ பொய்கள்
இருக்க கவலைப்பட என்ன இருக்கிறது? அதேபோல, தலையாட்டி பொம்மையாய் ஐநா மன்றமும், தீர்மானங்களை
உலக சமூகத்தின் மீது திணிக்க சிற்றரசர்களாய் அதன் தலைவர்களும் இருக்க தயக்கம் கொள்ள
காரணம் என்ன இருக்கிறது?
மிகவும் மோசமான
உள்நாட்டு யுத்தத்தில் ஏற்கனவே சிரியா சிக்கிக் கொண்டுள்ள நிலையில் உலக 'பெத்தண்ணா' "உன்னை
ஒழிக்கிறேனா இல்லையா.. பார்!" - என்று மிரட்டிக் கொண்டிருக்கிறது. ஒருபுறம், அமெரிக்கக் கழுகும், மறுபுறம் ரஷ்ய கரடியும்
நவீன ஆயுதங்களின் விற்பனை சந்தையாக தற்போது சிரியாவை தேர்ந்தெடுத்திருக்கின்றன. இதுவும்
போதாதென்று தற்போது அமெரிக்கா சிரியாவின் மீது ராணுவ நடவடிக்கை என்று மிரட்டிக் கொண்டிருக்கின்றது.
போருக்கான காரணமாக
இருப்பது.. 'சாம் அங்கிளுக்கு' சொல்லித் தர வேண்டுமா என்ன? அவை மலை.. மலையாக இருக்கும்
போது!
தற்போது கிடைத்திருக்கும் காரணம் நரம்புகளை முடக்கும் நச்சுவாயுவை தன் சொந்த
மக்களுக்கு எதிராக சிரியா பயன்படுத்தியது! என்று நாட்டாண்மையால் ஏற்கனவே எழுதப்பட்ட
தீர்ப்பு வாசிக்கப்பட்டது. மக்களை கொன்றொழித்து.. மகாராசாவாக முடிசூட்டிக் கொள்ள வேண்டும்
என்று தீர்மானித்து விட்ட பிறகு காரணமாவது கத்திரிக்காயாவது? அதுவும் உலக போலீஸைப்
பகைத்துக் கொள்ள யாரால்தான் முடியும்? அதன்பிறகு என்கவுண்டரில் போட்டு தள்ளிவிடுமே!
இந்த பூமிப் பந்தை
தம் சந்ததிகளுக்கு சொத்தாக விட்டு விட்டுச் செல்ல வேண்டியவர்கள், அமைதி விரும்பிகள்..
போரற்ற உலகம் வேண்டும் என்று போராடி வரும் நிலையில் போர் இனி காலாவதியாகிப் போனது என்று
எண்ணிய நிலையில் அமெரிக்க ஏகாத்திபத்யம் ஆள் – அம்பாரிகளை அணி திரட்ட ஆரம்பித்துவிட்டது.
இந்நிலையில் இங்கிலாந்து
பிரதமர் டேவிட் காமரூன் கொண்டு வந்த தீர்மானம் தோல்வியடைந்தது. சிரியா மீது அமெரிக்கா
போர்த் தொடுக்க தனது முதல்நிலை கூட்டாளியான இங்கிலாந்தையும் இணைத்துக் கொள்ள முயன்றது.
ஆனால், இங்கிலாந்து ஒபமாவுக்கு ஆதரவு தர முடியாத நெருக்கடிக்குத் தள்ளப்பட்டுவிட்டது.
இங்கிலாந்து பாராளுமன்றத்தில்
காமரூன் தாக்கல் செய்த சிரியாவின் மீதான ராணுவ நடவடிக்கைக்கான தீர்மானம் அதன் பெரும்பான்மை
உறுப்பினர்களால் நிராகரிக்கப்பட்டது. போருக்கு ஆதரவாக 272 பேரும், எதிராக 285 பேரும்
வாக்களித்தது குறிப்பிடத்தக்கது அதாவது 13 வாக்குகள் வித்தியாசத்தில் இந்த தீர்மானம்
ஆரம்பநிலையிலேயே நிராகரிக்கப்பட்டது. இதன் மூலம் இங்கிலாந்து மக்கள் போரை விரும்பவில்லை
என்றே கருதலாம்.
போரினால்.. எதையும்
சாதிக்க முடியாது..! பேரழிவு.. உயிரிழப்பு.. என்பதைத் தவிர! என்பது இன்னும் அமெரிக்காவுக்கு
புரியவில்லை. அமெரிக்காவின் மக்கள் உரிமைப் போராளி ‘ஹோவர்ட் ட்ர்மேன்’ (Howard
Thurman) "வன்முறையைத் தேர்ந்தெடுப்பது பிரச்னைகளைத் தீர்ப்பதற்கான உண்மையான தீர்வுகளின்
கதவுகளை மூடிவிடும்!” – என்கிறார்.
போர்கள் விரைவான
சில முடிவுகளின் தீர்மானங்களுக்கு வழிகோலினாலும், அவையே தீராத தலைவலிகளாய்.. பின்னடைவுகளாய்..
எதிர்வினைகளைத் தோற்றுவித்து விடுகின்றன. அத்தோடு சர்வதேச நல்லுறவையும் சீர்குலைத்துவிடுகின்றன.
போர் ஒருகாலும் பிரச்னைகளைத் தீர்ப்பதில்லை. மக்களை துன்புறுத்தி, உயிர்களைப் பறிப்பதுதான்
மிச்சமாக இருக்கும்.
அமெரிக்கா மத்திய
கிழக்கு நாடுகளில் இதுவரை செய்த நன்மைகள் என்ன? யாராவது பட்டியலிட முடியுமா?
உலகின் மிகவும்
வலிமை வாய்ந்த.. சக்தி வாய்ந்த நாடு.. எதையும் சாதிக்கக்கூடிய .. தீர்மானிக்கக்கூடிய
சக்தி சமார்த்தியங்களைக் கொண்ட நாடு உலக மக்களுக்கு தீங்கு விளைவிப்பதைவிட நன்மைகளுக்காக
உழைப்பதற்கு எந்தத் தடையுமில்லை.
செப். 11 - க்குப் பிறகாவது
அமெரிக்கா, "தன்னை ஏன் உலகம் வெறுக்கிறது?" - என்று சுய பரிசோதனைக்கு உட்படுத்திக் கொண்டிருக்க
வேண்டும். ஆனால், ஆக்ககரமான இந்த நிலைமையை மேற்கொள்ளாமல், உலக தலைமைக்கான உயரிய விழுமியங்களை
வளர்த்துக் கொள்ள விரும்பாமல் மீண்டும்.. மீண்டும் உலக அரங்கில் ஒரு முரடனாக.. உலக
ரவுடியாகவே அமெரிக்கா வலம் வருவது துரதிஷ்டவசமானது.
ஆனால், தற்போதைய
சிரியாவின் மீதான அமெரிக்காவின் போர்த்தொடுப்பதற்கான நிலைப்பாட்டை உலகம் கூர்ந்து கவனித்துக்
கொண்டிருக்கிறது. அமெரிக்காவைத் தவிர வேறு யாரும் இந்த ஆக்கிரமிப்பில்.. நாடு பிடிக்கும்
ஆசையில் ஈடுபட மாட்டார்கள் என்று வெறுப்பாய் உமிழ்ந்து கொண்டிருக்கிறது.
போருக்கு எதிரான
உலகின் மிகச் சிறந்த இலக்கியவாதியும், பீஸ் வாய்ஸ்ஸின் (Peace Voice) கட்டுரையாளருமான
‘விக்டர் பிரிம்சன்’ (Victor Bremson) மத்திய கிழக்கில் அமெரிக்கா செய்ய வேண்டிய செயல்
திட்டங்களை இப்படி பட்டியலிடுகிறார்:
- நம்முடைய வாழ்வியல் மாண்புகளை தீர்மானித்து அதன்படியே மற்றவரையும் வாழச் செய்வது.
- ஜனநாயகம் தழைத்தோங்குவதற்கான உலகின் ஆளுமைப் பண்பின் முன்னுதாரணமாய் திகழ்வது.
- மத்திய கிழக்கில் மண்டிகிடக்கும் கல்வியின்மை, வறுமை இவற்றை களைவதற்கான செயல்முறையிலான தீர்வுகளை அளிப்பது.
- எரிபொருள் செல்வாக்குகளின்.. அழுத்தங்களின் தீர்மானங்களை எடுப்பதைத் தவிர்த்து மாற்று எரிபொருளைத் தேர்வு செய்வது.
- முதலில் நம்மிடம் குவிந்து கிடக்கும் பேரழிவு ஆயுதங்களை படிப்படியாக குறைத்துக் கொள்வது.
- மனித குலத்து தீமை விளைவிக்கும் அமைப்புகளை தெளிவாக உலகுக்கு அடையாளம் காட்டுவது. குற்றவாளிகளை சட்டத்தின் முன் நிறுத்துவது.
- ஆட்சியாளர்களால் அடக்கியாளப்படும் சொந்த மக்களை மேலும் அடக்கி, ஒடுக்க ஆயுதங்கள் வழங்காமல் பாதிக்கப்பட்ட மக்களுக்கு ஆதரவாக நிற்பது.
- மக்களுக்கு சேவை செய்து கொண்டிருக்கும் அரசு சாரா அமைப்புகளுக்குத் தேவையான அத்தனை உதவிகளையும் செய்வது.
- பிரச்சனைகளை வன்முறை வழியில் கையாளாமல்.. பேசி தீர்ப்பது.
- ஜனநாயகத்துக்கு எதிரான மோசமான சர்வாதிகாரிகளின் வாழ்வை பாதுகாக்க.. சாதரண மக்களின் வாழ்க்கையை அச்சத்தில் உறையச் செய்யாமல் நீதியை நிலைநாட்டுவது.
- சிரியா உட்பட வன்முறையில் நம்பிக்கையற்ற ஆயுதம் ஏந்தாத அரசியல் அமைப்புகளின் ஒத்துழைப்போடு அவர்களையே முன்னிறுத்தி வன்முறையற்ற தீர்வுகளுக்கான அழுத்தம் கொடுப்பது.
தன்னைப் போல பிறரை எண்ணும் எண்ணம் வேண்டும். அமெரிக்கா திருந்துமா அல்லது ஜனநாயக அமைப்பின் கொடிய சர்வாதிகாரியாக நிலைத்து நிற்குமா? காலம்தான் பதில் சொல்ல வேண்டும்!
