சாத்தான்குளம் கொடூரன்களைவிட கொரோனா எவ்வளவோ மேல்!
இன்று ஜுன் 26, சித்திரவதையால் (International Day in Support of Victims of Torture) பாதிக்கப்பட்டுள்ளோருக்கு ஆதரவு தரும் நாள். மனித உரிமைகள் சம்பந்தமான விழிப்புணர்வு, முன்னெடுக்க வேண்டிய நாள். தன்னார்வலர்கள், தொழிற்சங்கங்கள், அரசியல் அமைப்புகள் ஒன்று சேர்ந்து சித்திரவதையால் பாதிக்கப்படுவோருக்கு உரத்து குரல் எழுப்பி, நீதியைப் பெற்றுத் தர வேண்டிய நாள்! ~இக்வான் அமீர்.
சாத்தான்குளம் காவல்நிலைய கொட்டடி கொலைகளும், பிச்சைக்காரனும்!
மக்களுக்கு சேவை செய்ய வேண்டிய மக்களின் நேரடி வரிப் பணத்தில் சம்பளம் பெற்று குடும்பம் நடத்தும் காக்கிசட்டைகள் மக்கள் சேவகர்களாக இருப்பதில்லை. அதிகார ஆணவத்தின் உச்சாணியில்தான் இருக்கிறார்கள். அநீதிகளும், அக்கிரமங்களுமாய்தான் காவல்துறையின் வரலாறு தொடர்கிறது. கீழ்நிலையிலிருந்து, மேல்நிலை அதிகாரிவரை வாய் திறந்தாலே வெறும் பொய்தான்! பொய்யான குற்றச்சாட்டுகள், பொய்யான புனைவுகள், பொய்யான விசாரணைகள், பொய்யான சாட்சிகள், மேலதிகாரிகளின் பொய்யான விளக்கவுரைகள்! என்று எல்லாமே பொய்கள்தான்!~இக்வான் அமீர.
வடசென்னையில் சூரிய கிரணம்
21, ஜூன் 2020 ஞாயிற்றுக்கிழமை அன்று வடசென்னை எண்ணூரில் தெரிந்த சூரிய கிரண காட்சி இது.
காக்கிசட்டை கொலைக்காரர்களுக்கு மரணதண்டனை எப்போது?
சாத்தான்குளத்தில், தந்தை ஜெயராஜ், மகன் பென்னிக்ஸீம் சிறையில் கொல்லப்பட்டதற்கு ரூ.10 லட்சம் நிதியுதவியும், குடும்பத்தில் ஒருவருக்கு அரசு வேலை என்ற அறிவிப்பும் நீதியாக இருக்க முடியாது.
டிராகன் பழச் செடியை கவாத்து செய்வது எப்படி?
How To Prune Dragon Fruit ....
Tuesday, November 26, 2013
கருத்துப்படம்: 'உண்மை தமிழன்'
"அரசியல் தமிழர்கள்
புறமுதுகுக் காட்ட..
உண்மை தமிழனோ
வீழாமல் இதோ
நெஞ்சை நிமிர்த்தி...!"
Saturday, November 23, 2013
உடல் நலம்: ‘ரத்தபுஷ்டிக்கு’ எளிய வழி...!
மருத்துவரிடம் செல்லலாம் என்றால்… 'அ, ஆ, இ, ஈ' என்று எத்தனை பரிசோதனைகள் உள்ளனவோ அத்தனைக்கும் பட்டியல் போட்டு தந்துவிடுவார் அவர்! கடைசியில், “இரத்தத்தில் ஹீமோகுளோபின் ரொம்பவும் குறைவாக உள்ளது!” – என்று ஒரு முடிவுக்கு வந்து மீண்டும் மாத்திரைகள் பட்டியலை மாதக் கணக்கில் நீளச் செய்வார்.
இவ்வளவு செலவுக்கும், சிரமங்களுக்கும் பிறகு உடல் நிலை சரியாகுமா? என்றால் அதுதான் இல்லை. பழைய அதே சோம்பல் கதைதான்!" - என்று புலம்பியவாறே எதிர் வீட்டு இம்ரான், மாணிக்கம் தாத்தாவிடம் வந்தான்.
"வாப்பா, இம்ரான்! இப்படி வந்து உட்கார்!" - தாத்தா அவன் அமர ஒரு பாயைப் போட்டார்.
மாணிக்கம் தாத்தா நிறையப் படிப்பவர். இயற்கையை நேசிப்பவர். இயற்கை மருத்துவம்கூட நிறைய தெரிந்து வைத்திருப்பவர்.
இம்ரான் சொன்ன எல்லாவற்றையும் கேட்ட தாத்தா சொன்ன எல்லோருக்குமான மருத்துவ அறிவுரைதான் இது:
"நமது உடலில் ஹீமோகுளோபின் குறைச்சலால்தான் இந்த சோம்பல், களைப்பு எல்லாம் ஏற்படுகின்றன.
நாம் உண்ணும் உணவிலிருந்து நமது உடல், தனக்குத் தேவையான சத்துக்களை எந்தெந்த அளவு தேவையோ அந்தளவுகளை பிரித்து எடுத்துக் கொள்கிறது. மீதியை கழிவு பொருட்களாக உடலிருந்து வெளியேற்றி விடுகிறது. அதிகமான சத்துக்களை நாம் உண்ணும் போதும் இதே நிலைதான்; தேவைக்கு அதிகமான சத்துக்களை நமது உடல் எப்போதும் ஏற்றுக்கொள்வதில்லை.
"வாப்பா, இம்ரான்! இப்படி வந்து உட்கார்!" - தாத்தா அவன் அமர ஒரு பாயைப் போட்டார்.
மாணிக்கம் தாத்தா நிறையப் படிப்பவர். இயற்கையை நேசிப்பவர். இயற்கை மருத்துவம்கூட நிறைய தெரிந்து வைத்திருப்பவர்.
இம்ரான் சொன்ன எல்லாவற்றையும் கேட்ட தாத்தா சொன்ன எல்லோருக்குமான மருத்துவ அறிவுரைதான் இது:
"நமது உடலில் ஹீமோகுளோபின் குறைச்சலால்தான் இந்த சோம்பல், களைப்பு எல்லாம் ஏற்படுகின்றன.
நாம் உண்ணும் உணவிலிருந்து நமது உடல், தனக்குத் தேவையான சத்துக்களை எந்தெந்த அளவு தேவையோ அந்தளவுகளை பிரித்து எடுத்துக் கொள்கிறது. மீதியை கழிவு பொருட்களாக உடலிருந்து வெளியேற்றி விடுகிறது. அதிகமான சத்துக்களை நாம் உண்ணும் போதும் இதே நிலைதான்; தேவைக்கு அதிகமான சத்துக்களை நமது உடல் எப்போதும் ஏற்றுக்கொள்வதில்லை.
ரத்தத்தில் ஆண்களுக்கு ஹீமோகுளோபின் 14 - 18 கிராம் அளவிலும், பெண்களுக்கு 12 - 16 கிராம் அளவிலும் இருக்கவேண்டும்.
இந்த ஹீமோகுளோபின்களின் அளவு 8 கிராமுக்கும் கீழே குறையும் பொழுது, இரத்த சோகை என்ற நோய் வர வாய்ப்பாகிறது. உடல் மெலிந்து, களைப்பு ஏற்படுகிறது.
ரத்தத்தில் ஹீமோகுளோபின் அதிகரிக்கும் பொழுது ரத்தம் நல்ல சிகப்பு நிறமாக மாறுகிறது.
நமது உடலில் நிகழும் ரத்த ஓட்டத்தின்போது நுரையீரலுக்குச் செல்லும் ரத்தம் நாம் மூச்சுக் காற்றை உள்ளே இழுக்கும்போது, அந்த மூச்சுக் காற்றில் உள்ள ஆக்ஸிஜனை ஏற்று உற்சாகம் பெறுகிறது. மேலும் நாம் உண்ணும் உணவிலுள்ள சத்துக்களை ஏற்று, உடலில் உள்ள பல சுரப்பிகளுக்கு வழங்கி, அவைகளை நன்கு இயக்கி, உடலுக்கு வேண்டிய திரவங்களை உற்பத்தி செய்ய வைக்கிறது.
நமது உடலில் நிகழும் ரத்த ஓட்டத்தின்போது நுரையீரலுக்குச் செல்லும் ரத்தம் நாம் மூச்சுக் காற்றை உள்ளே இழுக்கும்போது, அந்த மூச்சுக் காற்றில் உள்ள ஆக்ஸிஜனை ஏற்று உற்சாகம் பெறுகிறது. மேலும் நாம் உண்ணும் உணவிலுள்ள சத்துக்களை ஏற்று, உடலில் உள்ள பல சுரப்பிகளுக்கு வழங்கி, அவைகளை நன்கு இயக்கி, உடலுக்கு வேண்டிய திரவங்களை உற்பத்தி செய்ய வைக்கிறது.
ரத்தம் உடல் முழுவதும் சுற்றி வரும் பொழுது, தன்னுள் கலக்கும் கழிவுப் பொருட்களை கார்பன்டை ஆக்சைடாக மாற்றி, நுரையீரலுக்கு திரும்ப வந்து மூச்சாக வெளியேற்றுகிறது.
நம் உடலில் தொடர்ந்து நடைபெற்றுக் கொண்டிருக்கும் ரத்த சுழற்சி இது.
சரி..! உடலில் ஹீமோகுளோபின் குறைந்துவிட்டால் அதிகரிப்பது எப்படி?
ரத்தத்தில் ஹீமோகுளோபினை அதிகரிப்பதற்கு எளிய வழி இருக்கிறது.
நம் உடலில் தொடர்ந்து நடைபெற்றுக் கொண்டிருக்கும் ரத்த சுழற்சி இது.
சரி..! உடலில் ஹீமோகுளோபின் குறைந்துவிட்டால் அதிகரிப்பது எப்படி?
ரத்தத்தில் ஹீமோகுளோபினை அதிகரிப்பதற்கு எளிய வழி இருக்கிறது.
நாட்டு மருந்து கடைகளில் உலர் கருப்பு திராட்சை கிடைக்கும்.
உலர் திராட்சைப் பழங்களை வாங்கி மூன்று பழங்களை ஒரு டம்ளரில் போட்டு நீர் ஊற்றுங்கள். இரவு முழுவதும் பழங்கள் நீரில் ஊற வையுங்கள். இப்போது மூன்று வேளைக்கான இயற்கை மருந்து தயார்!
உலர் திராட்சைப் பழங்களை வாங்கி மூன்று பழங்களை ஒரு டம்ளரில் போட்டு நீர் ஊற்றுங்கள். இரவு முழுவதும் பழங்கள் நீரில் ஊற வையுங்கள். இப்போது மூன்று வேளைக்கான இயற்கை மருந்து தயார்!
காலையில் பல் துலக்கி முடிந்ததும் வெறும் வயிற்றில், நீங்கள் ஊறவைத்திருந்த பழங்களில் ஒன்றை சாப்பிட்டு பழங்கள் ஊறிய நீரையும் சிறிது குடியுங்கள். மதியம் மற்றும் மாலை என்று மூன்று வேளைக்கும் இவ்வாறே செய்யுங்கள்.
கீழே உள்ள பட்டியலில் உள்ளபடி நாள்தோறும் காலை 6மணி, மதியம் 12 மணி, மாலை 6 மணி என்று பழங்களையும், நீரையும் பயன்படுத்துங்கள்:
கீழே உள்ள பட்டியலில் உள்ளபடி நாள்தோறும் காலை 6மணி, மதியம் 12 மணி, மாலை 6 மணி என்று பழங்களையும், நீரையும் பயன்படுத்துங்கள்:
1-வது நாள் 1, 1, 1 = 3.
2-வது நாள் 2, 2, 2 = 6.
3-வது நாள் 3, 3, 3 = 9.
4-வது நாள் 4, 4, 4 = 12.
5-வது நாள் 4, 4, 4 = 12.
6-வது நாள் 4, 4, 4 = 12.
7-வது நாள் 3, 3, 3 = 9.
8-வது நாள் 2, 2, 2 = 6.
9-வது நாள் 1, 1, 1 = 3.
ஒன்பது நாட்கள் முடிந்த பிறகு, ரத்தத்தில் ஹீமோகுளோபின் அளவை பரிசோதித்துப் பாருங்கள். தேவையானால் மறுபடியும் ஒரு தடவை பட்டியலில் குறிப்பிட்டபடி செய்து பாருங்கள்.
இப்பொழுது உங்கள் ரத்தத்தில் ஹீமோகுளோபின்கள் குறிப்பிட்ட அளவு அதிகரித்து இருக்கும்.
நமது உடலிலிருக்கும் தகுந்த அளவு ஹீமோகுளோபின்தான் நோய்கள் வராமல் தடுக்கிறது. உடலுக்கு தெம்பைத் தருகிறது. வலிவோடும், வனப்போடும் உடலை மிளிர வைக்கிறது.
அத்தகைய முக்கியத்துவம் வாய்ந்த ஹீமோகுளோபின்களை மேற்கண்ட எளிய இயற்கையான மருத்துவத்தால் எந்தவிதமான பக்கவிளைவும் இல்லாமல் குறைந்த செலவில் அதிகரித்துக் கொள்ள முடியும்!" - என்று முடித்தார் மாணிக்கம் தாத்தா.
இம்ரானும் தாத்தாவுக்கு நன்றி சொல்லிவிட்டு நாட்டு மருந்துகடை நோக்கி எழுந்து சென்றான்.
அத்தகைய முக்கியத்துவம் வாய்ந்த ஹீமோகுளோபின்களை மேற்கண்ட எளிய இயற்கையான மருத்துவத்தால் எந்தவிதமான பக்கவிளைவும் இல்லாமல் குறைந்த செலவில் அதிகரித்துக் கொள்ள முடியும்!" - என்று முடித்தார் மாணிக்கம் தாத்தா.
இம்ரானும் தாத்தாவுக்கு நன்றி சொல்லிவிட்டு நாட்டு மருந்துகடை நோக்கி எழுந்து சென்றான்.
Friday, November 22, 2013
Thursday, November 21, 2013
பெஸ்ட் கிளிக்: 'எப்போது விடியும்?'
விடிந்தாலும்..
விடியாது எங்கள் வாழ்க்கை!
கடல்பரப்பின்
மண் துகளையும்
மிஞ்சிவிடும்
எங்கள் சோகம்!
Tuesday, November 19, 2013
நடப்புச் செய்தி: 'கொலைக்காரர்களுக்கு ஒரு பாராட்டு விழா!'
முசாபர்
நகரில் சிறுபான்மை முஸ்லிம் மக்களுக்கு எதிராக கொடிய மதவெறி
வன்முறையைத் தூண்டிவிட்டு 63 பேரின் உயிரைப் பறித்து ஆயிரக்கண்கானோரை அகதிகளாக்கிய
பாரதிய ஜனதா கட்சியின் சட்டமன்ற
உறுப்பினர்களுக்கு பாராட்டு விழா நடத்துவது என்று
அக்கட்சி முடிவு செய்துள்ளது.
ஆக்ராவில்
நடைபெறவுள்ள நரேந்திர மோடி பங்கேற்கும் பேரணியில்
மோடியின் கரங்களால் மதவெறியர்களுக்கு
பொன்னாடை போர்த்தி கவுரவிப்பது
என்று பாஜக முடிவு செய்துள்ளது.
அரசியல் அரங்கில் இது பெரும் அதிர்ச்சியையும் ஏற்படுத்தினாலும் பிஜேபியின் பிரதம வேட்பாளர் தேர்வும் கட்சியில் அதிக கொலைகள், வன்முறைகள் செய்தோர் என்பதன் அடிப்படையில்தான் என்பது மோடியின் தேர்வே நிரூபித்துள்ளது.
உத்தரப்பிரதேச மாநிலத்தில்
உள்ளது முசாபர் நகர். சமீபத்தில்
முசாபர் நகரில் சிறுபான்மை முஸ்லிம்
மக்களுக்கு எதிராக மிகப்பெரும் மதவெறி
வன்முறை கட்டவிழ்த்துவிடப்பட்டது.
கடந்த செப்டம்பர் 20 ம் தேதி துவங்கி
பல நாட்கள் நீடித்த இந்த
வன்முறையில் 62 பேர் படுகொலை செய்யப்பட்டனர்.
கிட்டத்தட்ட இவர்கள் அனைவருமே முஸ்லிம்
சமூகத்தைச் சேர்ந்தவர்களே. படுகொலை மட்டுமின்றி, முசாபர்
நகரிலும், அதைச் சுற்றியுள்ள ஏராளமான
கிராமங்களிலும் சிறுபான்மை மக்களின் வீடுகள் தீக்கிரையாக்கப்பட்டன; கால் நடைகள்
கொல்லப்பட்டன; அவர்களது உடைமைகள் சூறையாடப்பட்டன.
பல பெண்கள் பாலியல் வன்கொடுமைக்கு
உள்ளாக்கப்பட்டனர். குழந்தைகளும் கூட
இதில் தப்பவில்லை. இந்தக் கொடுமைகளின் விளைவாக
40 ஆயிரத்திற்கும் மேற்பட்ட முஸ்லிம் மக்கள் வீடுகளை இழந்து
இன்றைக்கும் தங்களது சொந்த ஊருக்குத்
திரும்ப முடியாமல், தங்களது சொந்தப் பகுதியிலேயே
அகதிகளாக முகாம்களில் தங்க வைக்கப்பட்டுள்ளனர்.
அந்த முகாம்களிலும் உணவின்றி, குடிநீரின்றி துன்ப துயரங்களுக்கு ஆட்பட்டிருக்கிறார்கள். இந்தக் கொடுமைகளை பல்வேறு குழுக்கள் நேரில் ஆய்வு செய்து
உறுதிப்படுத்தியுள்ளன.
இத்தகைய பின்னணியில்
முசாபர் நகர் வன்முறைகள் தொடர்பாக ஏராளமானோர் கைது செய்யப்பட்டனர்.
அவர்களில் முக்கியமானவர்கள் பாரதிய ஜனதா கட்சியின்
சட்டமன்ற உறுப்பினர்களான 'சங்கீத்
சோம்' மற்றும் 'சுரேஷ் ராணா'
ஆகியோர் ஆவர்.
முசாபர்
நகரில் வன்முறையைத் தூண்டும்
விதமாக திட்டமிட்டு ஒரு
போலி வீடியோவை உள்ளூர் தொலைக்காட்சிகளில் ஒளிபரப்பச்
செய்து, பெருமளவில் வன்முறைத்
தீயை பரவச் செய்தவர் சங்கீத்
சோம். அது மட்டுமின்றி அவர்
அப்பகுதியில் அடுத்தடுத்து நடந்த கூட்டங்களில்
முஸ்லிம்களுக்கு எதிராக வெறித்தனமான முறையில் பேசி
வன்முறையைத் தூண்டி விட்டவர்.
இந்தக்குற்றச்சாட்டுகளின்
பேரில் அவர் கைது செய்யப்பட்டார்.
அதேபோல திட்டமிட்டு வன்முறையைத் தூண்டுவதில் முன்னின்றவர் சுரேஷ் ராணா. நீண்ட
நாட்களுக்கு பிறகே இவர் லக்னோவில் கைது
செய்யப்பட்டார். இவர்கள் இருவரும் தற்போது
ஜாமீனில் வந்துள்ளனர்.
முசாபர் நகர் மதவெறி
வன்முறை, நாட்டின் பல்வேறு
பகுதிகளில் தேர்தலை மனதில் கொண்டு மோடியை
முன்னிறுத்தி தொடர்ச்சியாக மதவெறி வன்முறைகளை தூண்டிவிடுவதற்கான ஒரு துவக்கமே
என்று இடதுசாரிகள் எச்சரித்துள்ளனர் என்பது குறிப்பிடத்தக்கது.
அதை உறுதி
செய்யும் விதமாக, முசாபர் நகர்
மதவெறி வன்முறை குற்றவாளிகளான மேற்படி
சட்டமன்ற உறுப்பினர்கள் இருவருக்கும் மோடியின் கரங்களால் பாராட்டு விழா நடத்துவது என்று
பாஜக முடிவு செய்துள்ளது. இதை
லக்னோவில் பாஜக மாநில செய்தித்
தொடர்பாளர் விஜய் பகதூர் பதக்,
செவ்வாயன்று செய்தியாளர்களிடம் தெரிவித்தார். மேற்கண்ட இருவர் மீதும் தேசிய பாதுகாப்புச்
சட்டத்தின் படி வழக்குகள் பதிவு
செய்யப்பட்டுள்ளன.
இதற்கிடையில், ''மோடி போன்ற உலகப் புகழ் பெற்ற தலைவர்களால் பாராட்டுப் பெற இருப்பது கர்வம் கொள்ளச் செய்கிறது!'- என்கிறார் வகுப்பு கலவரங்களுக்கு காரணமான ராணா.
நமது நாடு எதை நோக்கி செல்கிறது? நாட்டின் எதிர்காலம் எப்படியிருக்கும் என்பது பலத்த சர்ச்சைக்குள்ளாகி இருக்கிறது.
மேலும் கட்டுரைகள் படிக்க:
http://mrpamaran.blogspot.in/2013/11/blog-post_5439.html
http://mrpamaran.blogspot.in/2013/10/blog-post_6992.html
http://mrpamaran.blogspot.in/2013/10/blog-post_1916.html
http://mrpamaran.blogspot.in/2013/10/blog-post_18.html
http://mrpamaran.blogspot.in/2013/10/blog-post_9733.html
http://mrpamaran.blogspot.in/2013/10/blog-post_5227.html
http://mrpamaran.blogspot.in/2013/09/blog-post_18.html
http://mrpamaran.blogspot.in/2013/09/blog-post_17.html
Monday, November 18, 2013
காலப்பெட்டகம்: 'பேராசையின் அசல் முகம்:'பன்னாட்டு நிறுவனங்கள்'
பன்னாட்டு மருந்து நிறுவனங்களின்
பண வெறிப்பிடித்த பேராசையின் அசல் முகம் காட்டும் ஆவணப்படம்: 'Fire in the Blood'
ஆப்பிரிக்கா நாடுகளைச்
சேர்ந்த ஏழை - எளியோர்க்கு மருந்து விற்பனைக்கு இல்லை. ஏனெனில் நினைத்துப் பார்க்க
முடியாத அதிக விலைக் கொடுத்து அந்த ஏழைப்பாழைகளால் உயிர்க்காக்கும் 'எயிட்ஸ்' மருந்தை
வாங்கி பயன்படுத்த முடியாது. மருந்து தயாரிப்பிலும், விநியோகத்திலும் ஈடுபட்டிருந்தவை
மேற்கத்திய பன்னாட்டு நிறுவனங்கள் மட்டும்தான். "ஏழையாய் பிறந்ததே தவறு! உனக்கு மருந்தில்லை!"
- என்றன மனசாட்சியே இல்லாமல் அவை. மலிவு விலையில் எச்ஐவி மருந்தை விற்க
முடியுமானாலும், பணத்தாசை அப்படி அவர்களை செய்ய விடவில்லை.
ஆப்பிரிக்காவில்
நடக்கும் இந்த அவலம் இந்தியர் ஒருவரின் மனதைப் பிழிந்தெடுத்தது. பிப்.6, 2001 இல், 'எச்ஐவி'யால் பாதிக்கப்பட்டவர்களுக்கு
மூன்றாண்டுகளுக்கான சிகிச்சை மருந்துகளை ஆண்டுக்கு 300 அமெரிக்க டாலர்களுக்கு அதாவது சுமார் 22 ஆயிரம் ரூபாய்க்கு மலிவு விலையில்
விற்க அவர் முன்வந்தார். இதே மருந்தை மேற்கத்திய பன்னாட்டு மருந்து நிறுவனங்கள் 12 ஆயிரம் டாலருக்கும் அதிகமாக அதாவது சுமார் 6 லட்சத்திலிருந்து
10 லட்சம் ரூபாய் வரை விற்றுக் கொண்டிருந்தன.
"அந்த நேரம் ஆப்பிரிக்காவின் 2 ஆயிரம் எயிட்ஸ் நோயாளிகளுக்கு மருந்து தேவைப்பட்டது. அது ஒரு சவாலாகவும் எங்களுக்கு இருந்தது. ஆனால், இன்றோ 8 மில்லியனுக்கும் அதிகமானோரை உயிர்க்காத்த திருப்தி ஏற்படுகிறது!" - என்கிறார் புன்னகையுடன் 'யூஸீஃப் கவாஸா ஹமீது 'பிஸினஸ் டுடேக்கு' அளித்த பேட்டியில்.
இப்படி உயிரின் மதிப்பறிந்து மலிவு விலைக்கு
மருந்துகளை விற்று பல ஆயிரக் கணக்கான உயிர்களைக் காத்தவர் சிப்லா பார்மசூடிகல்ஸ் நிறுவனத்தின்
தலைவர் யூஸீஃப் ஹமீத் என்பது குறிப்பிடத்தக்கது.
'ஃபயர் இன் தி
பிளட்' ஆவணப்படம், தற்போது பிரிட்டன் மற்றும் ஐரோப்பா உட்பட உலகின் முக்கிய நாடுகளின்
மக்களவைகளில் திரையிடப்படுகிறது. இந்தியாவில், யூடியூபிலும் மூன்று மாதங்களுக்கு இலவசமாக இந்த ஆவணப்படத்தின் காணொளியைக் காணலாம்.
பன்னாட்டு நிறுவனங்கள் பேராசையின் விகாரமான அசல் முகம் கொண்டவை என்பதைக் காட்டுகிறது 'ஃபயர் இன் தி பிளட்'. ஆவணப்படம்.
